شعر أيمن أمين بطرس

[ايمن امين بطرس]

دة مجرد انتماء

فى المراية 00 ومن يومين
مية سؤال 00
لية 00 وفين 00؟
آه 00 منين 00 ؟
انت تهت 00 انت مين 00 ؟
السنين متبعترة
عا الجبين
عدى كام 00 ؟
يبقوا كام 00 ؟
آه 00 بكام 00 ؟
لسة تانى فى حنين
الخطوط لية حزينه 00 ؟
الخطوط شق طين
الصراع فى المدينه
مين هايكسب 00 ؟
مين هايخسر 00 ؟
والمحافظه بين وبين
لسة باقى فى الايدين
خط احمر
خط ابيض
خط اسود
لسة والله ليك دين
قصدك اية 00 ؟
لا مافيش
دة مجرد انتماء
==============
شعر / ايمن امين

[حسين عسكر]

واللهى شاعر محترم
لازم تنمى موهبتك
وااااااااااااااااادى يا جماعه موهبة جديده فى الشعر

[أحمد حسين أبو كوع]

أخي أيمن
أين أنت ؟
ما أحلاك !!
والله زمان
سؤال :
أيهما أفضل ؟
أن تحيا بين أموات ؟
أم أن تموت بين احياء ؟

[ايمن امين بطرس]

احمد انت مازلت فى القلب والصديق المثقف سعدت جدا بمرورك
والاجابة فى السؤال
السؤال جواة مليون سؤال
وبعدين انا قلت ليك عنوان القصيدة : رسالة من القبور
بس عارف يابوحميد انت طلع عندك حق انا لسة فاكر اجابتك وانا مش بجاوب انت عارف انا مهمتى فى الحياة اطرح اسئلة واسيب الناس هى اللى تفكر وتجاوب
عموما انت وحشتنى جدا ووحشنى شعرك وفنك

[Hamdy]

يا سلام عليك يا أستاذ ايمن
دى أول مره أعرف انك فنان كده

[hosam mosa]

حقا .. إنتماء بلا حدود

[ايمن امين بطرس]

لــو كــــان
شعر/
ايمن امين


جوايا بركان
بيفور
بيدق
يهد حيطان
دا انا انسان
لو كان 00
جوايا 00 عطشان للفجر
يتسرسب جوه عيونى
او يبقى نهار
او ضليله فى العصريه
يبقى ادان
بس 00!
قبل العمر ما يجرى
انا نفسى اشوفك
يا احلى الاحلام
تتحقق
وتكسر زنازينى
بتفوت
وتعدى
كده تبقى حقيقه
ومش اوهام
بس ازاى 00 ؟
دا انا انسان
لو كان 00
فاكرنى زمان
انا كنت بانام على رجلين امى
واروح واروح
كده فى الاحلام
وفى حلمى
انا كنت باثور
اغضب
اتمرد على الاوضاع
بس خساره
الحلم أهو ضاع
لو كان 00
أهو ناس بتقول 00
مقدرش يخون
مقدرش يكون 00
ولا كلمة جوه سطور
فى ورق بهتان
واهو ناس بتقول
عامل فارس
كان بيحارب 00 والسيف مكسور
كان بيحارب 00 وسط نسور
من غير جناحات
ولحد ما جات
كده ضربه قوية تهد الكون
كان مجنون
و "ف" وسط سكاته لم جراحه
تحت حيطان
أو تحت قصور
وبصرخة قوية
عدت سور
كان بيقول
جوايا بركان
بيفور
بيدق
يهد حيطان
دا أنا فنان
لو كان

[elazf]

أنا حسيت أنك جواك بركان بجد وحسيت كمان بالحمم اللي خارجه منه

برافو أ/ أيمن

[hfvhidl22]

في اسماء الواحد اول مايشوفها يدخل يقرا المشاركة الخاصة بيها وانت يا استاذ ايمن منهم وكلامك حلو حقيقي جميل

[ايمن امين بطرس]

رسالة من سندباد

شعر / ايمن امين بطرس
تصلب احلامى
تتوج باكاليل شوك و ريحان
وشوق يرحل مرتجلا
بلا عنوان
قابعة مع اليأس
يأس يأخذنى فوق جسد امرأه
تصرخ
اعتقنى
اعتقنى من الحرمان
وتثور 00و تثور
هكذا هى الاحلام
تجول الاوهام فى رأسى
تسكن كل الازمان
ترتسم صورة الاحلام
فى رأسى
فوق مياه البحر الساكن
تفرد شراعيها
تسافر بلا اوطان
وتتباعد
وتتناحر
وتتناثر
وتنزف
وتموت
وينقطع الشريان
يظهر قمرا ابيض
تتراقص فيه امرأه من بللور
تغرقنى فى بحر النسيان
واعود
واعود واغزل من خيوط الفجر املا
بأن تموت
بأن تموت الاحزان
وتموت
تموت تحت قدميك
وترتسم البلدان
وفى عينيك ارسم خريطه العالم
اعرف معنى الاوطان
بالاحضان سيدتى بالاحضان
نبنى قصورا من رمال
نصبح اطفالا
لا نعرف معنى للزيف والبهتان
نصبح واحدا
حيث تتجسد الاشياء
حيث تتوحد الاشياء
حيث تلتصق الاشياء
حين تصبح قبلاتى على جسدك
هى الالوان
دعينى احبك
قبل ان يقتلنى الحرمان
دعينى احبك خلف حدود الزمان
فليس لى وطنا سيدتى
سوى قلبك
وان رفضنى
وان رفضنى وصرت غريبا فى الاوطان
فقط دعينى احبك
فهى رساله من سندباد
==========================